Gprodis

O dano cerebral é unha lesión que se produce nas estruturas cerebrais de forma súbita en persoas que, tendo nacido sen ningún tipo de dano no cerebro, sofren nun momento posterior da súa vida, lesións no mesmo como consecuencia dun accidente ou unha enfermidade.

A lesión cerebral máis frecuente é o traumatismo craneoencefálico (TCE) producido por accidentes de tráfico, laborais, deportivos, caídas ou agresións. Aínda que existen outras moitas causas, como tumores cerebrais, anoxias cerebrais por infarto de miocardio, enfermidades metabólicas ou accidentes cerebrovasculares (ACV), máis usuais entre a xente maior que as lesións traumáticas.